Arian Tahiri kandidat i PDK-së për kryetar të Mitrovicës – propozim i Degës
Kryetari aktual i Komunës së Mitrovicës, Bedri Hamza, ka bërë të ditur se nuk do të garojë për një mandat të ri në zgjedhjet e ardhshme lokale. Në emisionin Debat Plus, Hamza konfirmoi se dega e PDK-së në Mitrovicë ka propozuar Arian Tahirin si kandidat për kryetar komune,shkruan Raporto24
“Unë nuk do të jem kandidat për kryetar, por dega ka bërë propozimin e saj – Arian Tahiri,” tha Hamza, duke shtuar se tashmë mbetet vetëm miratimi nga organet qendrore të partisë, në përputhje me procedurat statutare.
Arian Tahiri ka qenë i angazhuar në struktura të ndryshme të PDK-së dhe konsiderohet një emër i afërt me degën lokale të partisë në Mitrovicë.
Miratimi i kandidaturës së tij pritet të bëhet nga Kryesia e PDK-së në ditët në vijim./Raporto24/
