Edhe pas 1 jave që kryetarët e rinj të komunave të veriut e dhanë betimin dhe u përpoqën me rekomandim të kryeministrit Albin Kurti që të shkojnë nëpër objektet komunale të shoqëruar nga njësitë speciale të Policisë së Kosovë, vet kryeministri i vendit nuk ka shkuar ende t’i vizitoj kryetarët e zgjedhur dhe ti uroj për mandatin e tyre.
Kryeministri Kurti madje i ka bërë thirrje edhe ambasadorit Amerikan që të shkojë në veri e ti vizitojë kryetarët e rinj por personalisht ai ende nuk ka qenë në asnjërën prej ndërtesave zyrtare të komunave në veri.
Në seancën e fundit parlamentare, kryetari i PDK-së, Memli Krasniqi e ka ftuar kryeministrin Kurti të shkojnë në veri.
Lideri i opozitës ka thënë se është e padrejtë të rrezikohet jeta e kryetarëve të komunave nëse Kurti nuk është gati ta bëjë vet një gjë të tillë.
“Kryeministër, leji fjalët e çu shkojmë në veri. Lej, mos u lidh mbas Izmirit, Ilirit, Lulzimit e Erdenin. Hajde qu skojmë në veri. Kryeministër je, priju njerzëve. Pse po i shtin ata me zor atje me rreziku jetën e vet. Hajde ti rrezikoje i pari e unë pas teje i dyti. Çu sot, pasdite, në mbramje, nesër, pasnesër, kur të duash”, ka thënë Krasniqi në seancën e Kuvendit, që e ka shpërndarë edhe në një postim të tij në Facebook.
https://fb.watch/kYdvRO4QVQ/?mibextid=CDWPTG
