Ministri izraelit i Mbrojtjes, Yoav Gallant, ka paralajmëruar Hezbollahun e Libanit që Bejruti do të mund ta ketë fatin e Gazës nëse grupi pro-iranian e fut Libanin në luftë.
Ajo çfarë mund të bëjmë në Gazë, mund ta bëjmë edhe në Bejrut”, ka thënë Gallant gjatë vizitës në veri të Izraeli, në afërsi të kufirit me Libanin, transmeton Telegrafi.
“Nëse Hezbollahu kryen gabime të tilla këtu, të parët që do ta paguajnë çmimin janë qytetarët”, paralajmëroi ministri izraelit.
Ai shtoi se ky grup shiit po e tërheq Libanin në luftë.
Hezbollahu ka shkëmbyer zjarr me forcat izraelite në frontin libanezo-izraelit që nga 8 tetori, dhe 70 luftëtarë të saj janë vrarë që atëherë. U vranë edhe disa civilë, shkruan Reuters.
Izraeli ka rritur rrethimin e Gazës pas një sulmi të Hamasit më 7 tetor, në të cilin Izraeli thotë se 1.200 njerëz u vranë dhe rreth 240 u rrëmbyen në enklavën palestineze.
Autoritetet shëndetësore të Gazës thonë se më shumë se 11,000 njerëz, shumë prej tyre gra dhe fëmijë, janë vrarë që kur Izraeli filloi operacionin e tij në brezin e vogël bregdetar prej 2.3 milionë banorësh. /Telegrafi/
