Llapi ka fituar me rezultat minimal 1-0 në udhëtim te Feronikeli ’74 në ndeshjen e vlefshme për javën e 23-të në Albi Mall Superligën e Kosovës.
Ekipi i Tahir Batatinës është kthyer të fitorja pas barazimit ndaj Prishtinës, duke marrë edhe fitoren e katërt nga pesë ndeshjet e pranverës.
Pjesa e parë e ndeshjes u karakterizua me lojë të barabartë nga të dyja skuadrat, por pa raste ideale dhe kështu shifrat mbetet të pandryshuara.
Në pjesën e dytë, u zhvillua lojë më e hapur dhe me më shumë raste nga të dyja skuadrat, por ishin vetëm mysafirët që gjeten golin.
Goli i vetëm në këtë pjesë erdhi në minutën e 69-të dhe ishte i përhershmi Muhamet Hyseni, i cili shënoi për 0-1 dhe deri në fund rezultati nuk ndryshoi.
Pas kësaj fitore, Llapi e sheh veten në pozitën e dytë me 47 pikë, një më pak se Ballkani i pari, ndërsa Feronikeli ’74 zë vendin e shtatë me 23 pikë.
Në ndeshjen e ardhshme, Llapi e pret Gjilanin, ndërsa Feronikeli ’74 udhëton te Liria. /Telegrafi/
