Më 1 dhe 2 shkurt, në kryeqytetin e Malit të Zi, u zhvillua turneu ndërkombëtar i pingpongut “Podgorica Open 2025”, ku sportistët nga Kosova shënuan një paraqitje të jashtëzakonshme. Ky turne prestigjioz, i organizuar nga Klubi i Pingpongut Buducnost, mblodhi mbi 100 garues nga rajoni, ndërsa sportistët kosovarë arritën të kthehen në shtëpi me katër medalje.
Një nga yjet e këtij turneu ishte Denat Makolli, i cili shkëlqeu në kategorinë U11, duke e dominuar garën dhe siguruar trofeun për Prishtinën. Lojtari i sapotransferuar në KPP Priping kaloi fazën e grupeve pa asnjë humbje, duke mposhtur të gjithë kundërshtarët e tij me rezultat 3:0. Në gjysmëfinale, ai triumfoi ndaj Nikola Mikovic, ndërsa në finale u përball me kampionin e vitit të kaluar, Uroš Makajic, të cilin e mposhti bindshëm me rezultat 3:0. Ky sukses i rëndësishëm jo vetëm që e konfirmon talentin e Denatit, por gjithashtu siguron trofeun e parë ndërkombëtar për KPP Priping në vitin 2025.
Përveç Denatit, edhe Deti Konushevci arriti një rezultat të shkëlqyer, duke fituar medaljen e bronztë në kategorinë U11, duke e përfaqësuar Kosovën me nder.
Ky turne konfirmoi edhe një herë se pingpongu në Kosovë është në ngritje dhe se talentet e rinj po dëshmojnë aftësitë e tyre në skenën ndërkombëtare. Me fitore të tilla, sportistët kosovarë po tregojnë se janë të gatshëm për sfida edhe më të mëdha në të ardhmen.
#Pingpong #PodgoricaOpen2025 #DenatMakolli #KosovaTriumfon
