Atmosfera në shtëpinë e Big Brother VIP Albania mori një ngjyrim të veçantë me rastin e 8 Marsit, Ditës Ndërkombëtare të Gruas. Banorët meshkuj vendosën të surprizonin vajzat e shtëpisë me dhurata simbolike dhe gjeste të veçanta, duke krijuar një moment të ngrohtë brenda spektaklit, transmeton Raporto24.
Ndër të gjitha surprizat, vëmendjen më të madhe e mori momenti mes Mateo dhe Brikena Selmani.
Mateo kishte përgatitur një dhuratë të menduar me kujdes për Brikenën: një palë pizhame të rehatshme dhe një tufë me lule të bardha, të cilat ajo i ka ndër të preferuarat.
Megjithatë, surpriza nuk përfundoi me kaq. Ai kishte shtuar edhe çokollatat e saj të preferuara, një detaj që nuk ishte aspak i rastësishëm. Mateo kishte mbajtur mend këtë preferencë që nga koha kur njiheshin jashtë shtëpisë, rreth katër vite më parë.
Ky gjest personal u komentua menjëherë nga banorët dhe fansat e formatit, duke nxitur aludime se marrëdhënia mes tyre mund të jetë duke u zbutur dita-ditës.
Tashmë mbetet për t’u parë nëse ky moment i veçantë i 8 Marsit do të shënojë një hap të ri në afrimin e tyre gjatë rrugëtimit në shtëpinë e famshme.
