Rruga jugore” e Omanit përmes Ngushticës së Hormuzit mbetet e hapur për qarkullim në të dy drejtimet, pavarësisht pretendimit të Iranit se kjo rrugë ujore me rëndësi jetike është mbyllur, sipas Qendrës së Përbashkët të Informacionit Detar (JMIC), e cila mbikëqyret nga Marina e SHBA-së, shkruan CNN.
Forcat amerikane janë të gatshme ta ruajnë lirinë e lundrimit dhe ta mbrojnë tregtinë e ligjshme në përputhje me të drejtën ndërkombëtare. Rruga jugore e Ngushticës mbetet e hapur”, tha JMIC në një njoftim këshillues të publikuar të dielën.
Pavarësisht këtij njoftimi, niveli i kërcënimit për sigurinë në këtë rrugë ujore mbetet “i lartë”, shtoi JMIC.
Më herët të dielën sipas kohës lokale, Garda Revolucionare Islamike e Iranit tha se e kishte mbyllur Ngushticën pasi kishte qëlluar me një të shtënë paralajmëruese ndaj një anijeje që po përpiqej të përdorte një rrugë të paautorizuar për të kaluar nëpër këtë rrugë ujore.
