Një kosovar është kapur nga policia zvicerane për tejkalim të shpejtësisë. Ai po voziste në një shpejtësi tepër të lartë se sa shpejtësia e lejuar në atë zonë.
Ngjarja ka ndodhur në Rafz të Kantonit të Cyrihut, ku policia kapi kosovarin 42 vjeçar, i cili po ngiste makinën deri në 195 km/h.
Kjo ka ndodhur brenda në zonën ku maksimumi i lejuar i shpejtësisë është 80 kilometra në orë.
Drejtuesi i mjetit është ndaluar dhe arrestuar, siç ka bërë të ditur policia kantonale të premten. Po ashtu atij i është hequr patenta e shoferit në vend dhe është marrë në pyetje në bazën e policisë.
