Sot (e enjte) janë në program për t’u zhvilluar ndeshjet e para gjysmëfinale në garat e Ligës së Evropës dhe Ligës së Konferencës.
Pasi e marta dhe mërkura rezervuan ndeshjet e Ligës së Kampionëve, tani e enjtja është gati për emocionet e dy garave tjera evropiane për klube.
Bëhet fjalë për Ligën e Evropës dhe Ligën e Konferencës, të cilat zhvillojnë gjatë mbrëmjes ndeshjet e para, ku nuk mungojnë klubet e mëdha që luftojnë për trofeun.
Ndeshja e parë dhe më interesante gjysmëfinale e Ligës së Evropës luhet padyshim në Spanjë, ku Athletic Bilbao pret Manchester Unitedin.
Në ndeshjen tjetër, Tottenham Hotspur është nikoqir i klubit norvegjez, Bodo/Glimt, në një takim që pritet të jetë gjithashtu shumë interesant.
The final four 🤩#UEL pic.twitter.com/TEmJuxU11B
— UEFA Europa League (@EuropaLeague) April 28, 2025
Në Ligën e Konferencës, Chelsea është mysafir i suedezëve të Djurgarden, ndërsa në takimin tjetër, Real Betisi pret Fiorentinën.
Të gjitha ndeshjet, në të dy garat, është paraparë të fillojnë nga ora 21:00. /Raporto24/
