Eronita, bashkëshortja e këngëtarit të njohur Blero, vazhdon të ndajë me ndjekësit momente të ëmbla nga jeta e saj familjare.
Së fundmi, ajo ka publikuar një fotografi në “Instastory”, ku shihet duke rregulluar një buqetë me lule, të cilën duket se ia ka dhuruar Blero. Gjesti romantik është shoqëruar edhe me një tjetër detaj që ka tërhequr vëmendjen e fansave.
Në sfond të fotografisë shihet vetë Blero, teksa kujdeset për djalin e tyre, duke sjellë një pamje të ngrohtë dhe familjare nga përditshmëria e çiftit.
Përkrah imazhit, Eronita ka zgjedhur të shkruajë vetëm dy fjalë: “E bekuar”, duke lënë të kuptohet mirënjohja dhe lumturia që po përjeton në këtë periudhë.
Postimi është pritur me reagime të shumta nga ndjekësit, të cilët e kanë parë këtë moment si një dëshmi të harmonisë familjare dhe lidhjes së fortë mes çiftit.
Me gjeste të thjeshta, por plot kuptim, Eronita dhe Blero vazhdojnë të jenë në vëmendje të publikut, duke ndarë herë pas here momente nga jeta e tyre private dhe familjare. /GazetaExpress/
