Kryeministri Albin Kurti, kur është pyetur se kur do të ketë marrëveshje definitive me Serbinë, ka thënë se është i gatshëm për marrëveshjen. Por ai problem e konsideron Serbinë, e cila nuk është distancuar nga Millosheviqi dhe sot nuk po distancohet nga Putini e Kremlini.
Ai tha se Kosova është shtet më demokrat dhe më i pavarur se Serbia, ndërkaq kjo e fundit sipas tij është një regjim hibrid, autokraci praktikisht dhe në anën tjetër nuk është e pavarur nga federata ruse.
Qysh dje po të varet prej meje, por është e qartë se pala e cila nuk është konstruktive, pala e cila është agresive, ajo e cila nuk distancohet as nga e kaluara pra Millosheviqi, as nga e tashmja problematike për kontinentin tonë, pra Kremlini e Putini është Beogradi zyrtar”, u shpreh Kryeministri në një intervistë për Top Channel.
Kurti e cilëson se kjo situatë bën që ta kemi fqinjësinë e vështirë me Serbinë, por që për këtë do të ndihmojë shumë zbatimi i marrëveshjes është dakorduar në Bruksel dhe në Ohër.
