Kryeministri i Republikës së Kosovës, Albin Kurti përmes një statusi të gjatë në facebook, ka thënë se në Rashkë të Serbisë, po ngjan riorganizimi paramilitar e terrorist i Millan Radoiçiq dhe grupit të tij, me instruksione dhe mbështetje të shtetit të Serbisë.
Kryeministri Kurti ndër tjera ka thënë se Serbia ka dislokuar sistemet kundër-ajrore në afërsi të kufirit me Kosovën, raporton Raporto24.
“Ajo vazhdon të kërcënojë sigurinë e Republikës së Kosovës me bazat e përparme operuese të Forcave të Armatosura të Serbisë përgjatë kufirit me vendin tonë. Për më tepër, Serbia ka dislokuar sistemet kundër-ajrore në afërsi të kufirit me Kosovën”, ka shkruar Kurti.
