Lahi Brahimaj, ka marrë pjesë sot në hapjen e ekspozitës së Blerim Ukës, me titull “Historiku dhe promovimi për pranimin e Kosovës në sportin ndërkombëtar nëpërmjet aparatit fotografik”.
Sipas Brahimajt, Blerim Uka, përmes aparatit të tij, ka dokumentuar një udhëtim të gjatë dhe të vështirë drejt njohjes ndërkombëtare të futbollit të Kosovës.
Postimi i plotë i Lahi Brahimajt:
Jam i lumtur që isha pjesëmarrës në hapje të ekspozitës me titull “Historiku dhe promovimi për pranimin e Kosovës në sportin ndërkombëtar nëpërmjet aparatit fotografik”, nga fotografi i njohur dhe miku im Blerim Uka.
Blerim Uka, përmes aparatit të tij, ka dokumentuar një udhëtim të gjatë dhe të vështirë drejt njohjes ndërkombëtare të futbollit të Kosovës.
Blerimi ka lobuar në të gjithë botën për ta bërë të mundur që Kosova të pranohet si pjesë e familjes sportive globale, duke shpalosur një histori të mbushur me sfida dhe suksese.
I nderuari Blerim, paç shëndet dhe mos t’u ndalshin sukseset!
