Gllogjan, 17 Qershor 2025 – Një dhimbje e paimagjinueshme ka prekur familjen Malaj nga Gllogjani, ku dy foshnje binjake, Vlerton dhe Valton Malaj, erdhën në jetë dhe u ndanë prej saj brenda të njëjtës ditë.
Pamje të dhimbshme nga varrimi i tyre kanë prekur zemrat e shumë qytetarëve. Dy varre të njësuara, dy lule mbi dhe, dhe shumë lot e lutje për dy jetë që u shuan para se të nisin.
Engjëjt që u kthyen në dritë
Me shpirt të rënduar e zemër të copëtuar, familja, të afërmit dhe të gjithë ata që e njohin babain e tyre, Valmir Malaj, janë mbledhur për të përcjellë për në amshim dy krijesa të pafajshme, që tashmë konsiderohen engjëj në Lula të Xhenetit.
“Ata nuk patën kohë të thonë një fjalë, por dashurinë dhe praninë e tyre do ta mbajmë gjithmonë në zemër,” – thuhet në mesazhin prekës të familjes.
Foto nga vendi i varrimit tregojnë thjeshtësinë dhe dhimbjen e thellë – dy varre të vogla, të njëpasnjëshme, të shoqëruara me trëndafila të bardhë dhe të kuq. Pranë tyre, qëndron edhe varri i gjyshit të tyre, Rexhep Malaj,shkruan Raporto24
Në kujtim të Vlerton dhe Valton Malaj
U lindët më 17 qershor 2025.
U ndatë po atë ditë.
Por në zemrat tona, do të jetoni përjetësisht.
