Ministri në detyrë i Mjedisit, Planifikimit Hapësinor dhe Infrastrukturës, Liburn Aliu ka njoftuar se sot është prezantuar diga e cila do ndërtohet në fshatin Pollatë të Podujevës.
Sipas Aliut, kjo digë kap vlerën prej 58 milionë euro, e cila do të jetë zgjidhje jetike për mungesën e ujit,
Statusi i tij i plot:
Nga projekti i dizajnit të detajuar për ndërtimin e Digës së Pollatës është prezantuar raporti fillestar i këtij projekti.
Kompania projektuese prezantoi sot raportin fillestar që sjell më afër realizimin e një prej investimeve më të rëndësishme për këtë zonë dhe më gjerë.
Me një vlerë rreth 58 milionë euro, kjo digë do të jetë zgjidhje jetike për mungesën e ujit, sidomos tani kur thatësirat po bëhen më të shpeshta si pasojë e ndryshimeve klimatike globale.
Pas mbi 50 vitesh pa ndërtuar diga të reja, kjo dekadë shënon një kthesë të madhe: 5 diga të reja që do të garantojnë ujë të sigurt për të gjithë e për një kohë të gjatë
