Një aksion i befasishëm policor në Kaçanik ka zbuluar drogë dhe ka çuar në arrestimin e katër të rinjve që lëviznin me veturë në fshatin Begracë.
Ngjarja ka ndodhur më 17 prill rreth orës 17:30.
Siç mëson Sinjali, njësia e hetimeve, në kuadër të planit operativ “Stop Drogave”, ka ndaluar një veturë të tipit Golf 7, ku ndodheshin katër persona të njohur për policinë.
Në veturë ishin: Yll Zeneli, rreth 20-vjeçar – drejtues, Enis Hoxha, rreth 20-vjeçar, Isak Reka, rreth 21-vjeçar dhe Milot Kuka, rreth 21-vjeçar.
Gjatë kontrollit, policia ka zbuluar drogë në disa vende: në ulësen e pasagjerit, një qese me marihuanë dhe një cigare e mbështjellë me të njëjtën substancë ndërsa te njëri nga të dyshuarit, droga ishte e fshehur në trup.
Në total janë sekuestruar:
10.24 gram marihuanë
14.52 gram marihuanë
1.01 gram marihuanë (cigare e mbështjellë)
Të katër janë arrestuar në vendin e ngjarjes dhe janë shoqëruar në Stacionin Policor në Kaçanik.
Rasti është marrë në trajtim nga njësia për hetimin e narkotikëve (DHTN) në Ferizaj, ndërsa me urdhër të prokurorit kujdestar, të dyshuarit janë intervistuar dhe më pas janë liruar në procedurë të rregullt.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata
