Aeroporti ndërkombëtar i Kuvajtit është dëmtuar si pasojë e raketave dhe dronëve iranianë, në një sulm të ndodhur herët të mërkurën, sipas autoriteteve lokale.
Sipas Agjencisë Shtetërore të Lajmeve të Kuvajtit (KUNA), duke cituar ministrinë e Mbrojtjes, sulmi ka shkaktuar dëme në Terminalin 1 të aeroportit dhe ka lënë të lënduar “një numër personash”, të cilët janë dërguar për trajtim mjekësor.
Pas incidentit, fluturimet dhe trafiku ajror në aeroport janë pezulluar përkohësisht, raportojnë autoritetet.
Terminali 1, që shërben si qendra kryesore për fluturimet ndërkombëtare, ishte rihapur vetëm pak ditë më parë, pas dëmtimeve të mëparshme të shkaktuara nga një sulm tjetër i atribuar Iranit në fund të shkurtit, sipas mediave lokale.
Autoritetet nuk kanë dhënë ende detaje të mëtejshme mbi shkallën e dëmit apo përgjegjësinë e plotë për sulmin.
