Lisbonë – Një ndeshje dramatike, gola spektakolarë dhe një moment historik nga portieri – Benfica ka mposhtur Real Madridin me rezultat 4:2, duke siguruar kualifikimin në fazën play-off, në një mbrëmje që do të mbahet mend gjatë nga tifozët portugezë.
Heroi i ndeshjes ishte pa dyshim portieri i Benficës, i cili shënoi gol vendimtar dhe vulosi një fitore të madhe ndaj gjigantit spanjoll. Me këtë triumf, Benfica jo vetëm që siguroi play-off-in për vete, por e dërgoi edhe Real Madridin në të njëjtën fazë,shkruan raporto24.
Golat dhe protagonistët
Për Benficën, shkëlqeu Schjelderup, i cili realizoi dy gola, ndërsa listës së golashënuesve iu bashkuan edhe Pavlidis dhe Turpin, duke kompletuar një paraqitje mbresëlënëse ofensivë.
Në anën tjetër, për Real Madridin, golin e vetëm e realizoi ylli francez Kylian Mbappé, i cili edhe pse shënoi, nuk arriti ta shmangte humbjen e “Los Blancos”.
Një fitore me peshë
Kjo fitore ka peshë të madhe për Benficën, jo vetëm për rezultatin, por edhe për mënyrën se si erdhi – me guxim, karakter dhe një portier që hyri në histori si golashënues në një ndeshje të këtij niveli.
Benfica tani shkon me moral të lartë drejt play-off-it, ndërsa Real Madridi do të duhet të reagojë shpejt për të vazhduar rrugëtimin europian./Raporto24/
Spektakël dhe emocione: Portieri shënon gol dhe Benfika kualifikohet në play-off
