Sot në Silverstone ka nisur gara e “British Grand Prix” në Formula 1.
Përpara një numri rekord prej rreth 180,000 tifozësh, vëmendja kryesore është te lideri i kampionatit, Kimi Antonelli i Mercedesit, i cili e nis garën nga pozita e parë (pole position).
Pranë tij në rreshtin e parë do të jetë Charles Leclerc me Ferrari, ndërsa rreshti i dytë mbyllen nga dy favoritët vendas, Lewis Hamilton (Ferrari) dhe George Russell (Mercedes). Hamilton, i cili u mposht nga Antonelli edhe në garën e shkurtër sprint të së shtunës, u shpreh skeptik për mundësitë e tij nëse nuk arrin ta parakalojë italianin që në xhiron e parë:
“Nëse nuk arrijmë ta kapim në xhiron e parë, ai thjesht do të zhduket në distancë,” tha Hamilton përpara nisjes, duke vlerësuar shpejtësinë superiore të Mercedesit.
Nga ana tjetër, kampioni në fuqi i botës, Lando Norris me McLaren, e nis garën nga pozita e gjashtë dhe ka pranuar se makina e tij aktualisht ka mungesë të madhe shpejtësie dhe force shtytëse.
Gara e Silverstone premton dramë të madhe, me pilotët britanikë që do të kërkojnë me çdo kusht të ndalin dominimin e Antonellit në tokën e tyre.
