Kosova ka shkruar një nga faqet më të bukura të historisë së saj futbollistike, duke triumfuar me përmbysje spektakolare 3-4 ndaj Sllovakisë në Bratislavë, në një ndeshje dramatike dhe plot emocione që e dërgon në finalen e madhe të “play-off”-it për Kampionatin Botëror.
Këtë triumf futbollistik të Kosovës e ka uruar edhe Ambasada Amerikane në Prishtinë.
“Urime Kosovë për këtë fitore historike” – shkroi ambasada e Amerikës në Facebook.
Kosova do të ballafaqohet me Turqinë në stadiumin “Fadil Vokrri”, të martën nga ora 20:45.
KosovaPress
