Në 27-vjetorin e rënies për liri të heronjve të kombit Hyzri Talla, Afrim Maliqi dhe Ilir Durmishi, i paharruar dhe i përjetshëm mbetet nderimi për veprën e tyre heroike. Kujtimi për Hysin, Ilirin dhe Afrimin do të jetojë përherë në zemrat tona – ata ranë në mënyrën më të lavdishme, duke mbrojtur atdheun.
Ata u flijuan në një betejë heroike e të pabarabartë në Prishtinë, përballë një prite tinëzare të forcave serbe,shkruan Latif Gashi trasmeton Raporto24
Rënia e tyre ishte goditje e rëndë, por u bë edhe frymëzim për të gjithë ne që besonim në lirinë dhe drejtësinë e kauzës sonë.
Hys, miku im i shtrenjtë…
Të freskëta i kam kujtimet me ty. Nuk harrohen ditët e luftës, betejat krah për krah, ku patëm fatin të jemi të pandashëm. Ishit shembull i rrallë për ne – me mençurinë, përkushtimin, atdhedashurin dhe trimërinë që rrezatonit në çdo hap.
Sot përulemi me respekt para veprës suaj të pavdekshme.
Lavdi jetës dhe sakrificës së tyre!
Lavdi heroit dhe mikut tim, Hyzri Talla!
