Skiatorja amerikane Lindsey Vonn ka treguar se mjeku i saj ia shpëtoi këmbën nga amputimi pas aksidentit të rëndë gjatë garës së zbritjes për femra në Lojërat Olimpike Dimërore 2026 në Milano-Cortina. Në një video të postuar në Instagram, Vonn foli për dëmtimet e rënda që pësoi më 8 shkurt, duke përfshirë këputjen e ligamentit të kryqëzuar anterior dhe fraktura të shumta në këmbën e majtë.
Pas zbulimit të sindromës së ndarjes, ajo iu nënshtrua një operacioni urgjent gjashtë-orësh për të liruar presionin mbi muskujt dhe enët e gjakut, një procedurë e quajtur fasciotomi. Vonn theksoi se pa ndërhyrjen e mjekut, Dr. Tom Hackett, këmbës së saj mund t’i ishte hequr. Ajo shprehu mirënjohje për shpëtimin dhe ndihmën që mori gjatë këtij momenti kritik.
Aktualisht e palëvizshme dhe në karrocë, Vonn shpreson të kalojë në paterica brenda pak javësh. Procesi i rikuperimit pritet të zgjasë rreth një vit, gjatë të cilit do të vazhdohet edhe rindërtimi i ligamentit të kryqëzuar anterior. Skiatorja amerikane tha se, pavarësisht dhimbjes dhe sfidave, ndihet e motivuar dhe frymëzuar nga mbështetja e ekipit të saj./Raporto24/
