Alexander Volkanovski zhvilloi një paraqitje madhështore duke mposhtur Diego Lopes me vendim unanim (49-46, 49-46, 50-45) në UFC 325 në Sydney dhe mbrojti titullin e peshës “featherweight”, transmeton KosovaPress.
37-vjeçari dominoi pesë raunde me lëvizje, kontroll dhe goditje më efektive, duke regjistruar fitoren e tetë në ndeshjet për titull dhe duke barazuar rekordin e Jose Aldos.
Pavarësisht një rrëzimi të shkurtër në raundin e tretë, Volkanovski ruajti qetësinë dhe e mbylli duelin në kontroll të plotë. Pas fitores, ai përmendi Movsar Evloev dhe Lerone Murphy si kundërshtarë të mundshëm të radhës.
Me këtë triumf, Volkanovski konfirmon se mbetet standardi i artë i kësaj kategorie.
