Agjencia e Kombeve të Bashkuara për refugjatët në Gaza (UNRWA) ka konfirmuar për agjencinë e lajmeve reuters se kampi i refugjatëve në shkollën Al-Fakhoura, Jabalia, i drejtuar nga OKB-ja, është sulmuar nga forcat izraelite.
Juliette Touma, drejtoresha e komunikimit në UNRWA, tha se mes viktimave kishte edhe fëmijë, por që ende nuk janë në gjendje të verifikonin se sa njerëz janë vrarë.
“Të paktën një predhë goditi oborrin e shkollës ku kishte tenda për familjet e zhvendosura. Një tjetër predhë goditi brenda shkollës ku gratë po gatuanin bukë”, citon Reuters të ketë thënë ajo me telefon.
lsraeli warplanes bomb al-Fakhoura school in northern Gaza Strip, killing 15 Palestinians and injuring dozens. pic.twitter.com/odnmrkALal
— TIMES OF GAZA (@Timesofgaza) November 4, 2023
Më herët, ministria e shëndetësisë e drejtuar nga Hamasi në Gaza tha se të paktën 15 njerëz u vranë kur izraelitët goditën shkollën.
Zëdhënësi i ministrisë, Ashraf al-Qudra tha në një konferencë për shtyp se 70 të tjerë u plagosën.
Ndryshe, Izraeli ka nisur një ofensivë kundër Hamasit pasi kjo e fundit sulmoi papritur më 7 tetor territoret izraelite. /Telegrafi/
