Ky është momenti i frikshëm kur një peshkaqen i madh u pa duke notuar vetëm disa metra larg turistëve të habitur në një plazh pushimesh.
Sipas mediave të huaja, përcjell Telegrafi, pamjet tregojnë një grup të madh pushuesish “duke shijuar diellin spanjoll” përpara se një figurë të shfaqet përgjatë vijës bregdetare në ujërat e cekëta.
Turistët e guximshëm, duke përfshirë fëmijë të vegjël, mund të shihen duke qëndruar vetëm disa metra larg peshkaqenit në plazhin e Porto de Bares ndërsa e shikojnë me habi.
Shumë nga shikuesit e magjepsur madje “vrapuan pas peshkaqenit” ndërsa ai vazhdoi të notonte në vijën bregdetare.
Kryebashkiaku lokal Alfredo Dovale ka thënë se nuk mbante mend të kishte parë një peshkaqen kaq afër vijës bregdetare gjatë jetës së tij.
Peshkaqeni u pa për herë të parë rreth orës 17:00 të së hënës pranë qytetit Manon në provincën galike të La Coruna.
Krijesa e detit u pa më vonë përgjatë vijës bregdetare përsëri të martën.
