Një çift që i kërkuan qindra kompanive dhurata të ndryshme, janë përgëzuar për idenë.
Robert dhe Nat nga Worcesteri i Britanisë së Madhe kanë blerë një shtëpi të re në fillim të vitit, por po përballen me një problem – ajo është e zbraztë apo më mirë me shumë pak gjësende – kështu tentuan të përfitojnë duke u bërë thirrje bizneseve që t’i mbështesin më gjësende të ndryshme.
Kanë pranuar se kanë dërguar 50 nga 100 letrat e planifikuara duke përdorur moton: “nëse nuk kërkon, nuk merr”, transmeton Telegrafi.
Në një video të postuar në TikTok që ka marrë miliona shikime, çifti kanë zbuluar gjësendin e parë që e kanë pranuar nga zinxhiri i marketeve në Britani të Madhe.
Para se të hapnin dhuratën, Rob tha: “Kjo është nga Islanda. Falënderim i madh nga Islanda, ata janë të mrekullueshëm për ushqimet e ngrira”.
Derisa po hapnin dhuratën dyshja dukeshin të emocionuar, për të kuptuar në fund se kanë fituar një fritezë që kap vlerën e 80 funteve. /Telegrafi/
