Një kamariere në një restorant është sulmuar nga një klient, i cili e goditi në fytyrë me pjatën e mbushur me ushqim që ia kishte servuar.
Sulmi i paprovokuar ndodhi në mars në Stratford të Londrës, kurse fotografitë e incidentit janë bërë virale brenda natës pasi u shpërndanë në platformën X, transmeton Telegrafi.
Në video shihet kamerierja duke iu afruar tavolinës ku po qëndronte burri me mjekër të gjatë, i veshur me rroba të zeza i shoqëruar nga gruaja dhe foshnja e tyre.
Derisa kamarierja po ia shërbente në tavolinë ushqimin, kamerat e sigurisë kapën momentin kur burri e godet në fytyrë me pjatën me ushqim.
Nga goditja e fuqishme, kamerierja shtypet mbrapa – duke e mbajtur me dorë fytyrën – kurse klientët e tyre shikonin të habitur.
Ajo largohet me shpejtësi nga sulmuesi i cili më pas largohet nga lokali së bashku me gruan dhe fëmijën.
Mbetet e paqartë se çfarë e nxiti sulmin, kurse videoja e postuar deri më tani ka marrë mbi 20 milionë shikime. /Telegrafi/
/Telegrafi/
