Një person në Begracë të Kaçanikut ka lajmëruar dje policinë pasi në murin e shtëpisë dhe në dritare i ka gjetur dy vrima nga arma e zjarrit.
Sipas policisë, i dyshuari për këtë ngjarje është hasur me armë gjuetie, i cili gjatë intervistimit ka raportuar se qëllimi i tij ka qenë që t’i gjuajë qentë endacakë.
Në lidhje me ngjarjen, policia tha se është njoftuar prokurori kurse arma dhe një fishek janë konfiskuar ndërsa i dyshuari është liruar në procedurë të rregullt.
